លិខិតកែតម្រូវនិងសូមទោសជាសាធារណៈ អង្គភាពស៊ីអេចអ ធីវីអនឡាញ

អង្គភាព ស៊ីអេចអ ធីវីអនឡាញ(www.chrtvonline.com) ដែលមានការិយាល័យ ស្ថិតនៅភូមិ ដុងអារញ្ញសង្កាត់ និមិត្ត ក្រុងប៉ោយប៉ែត ខេត្ត បន្ទាយមានជ័យ ដែលមានលេខទូរស័ព្ទលេខ ០៧១៩០២២២២៧។

កម្មវត្ថុ: យោងលិខិតអញ្ជើញចូលរួមកិច្ចប្រជុំបំភ្លឺករណី លោក WONG WAI NING ស្នើសុំកិច្ចរាគមន៍ពីក្រសួងព័ត៌មាននៅថ្ងៃទី២០ខែមករា ឆ្នាំ២០២៥ របស់លោក WONG WAI NING មកអគ្គនាយកដ្ឋានព័ត៌មាន និងសោតទស្សន៍ លេខ២៦៨ព.ស ចុះនៅថ្ងៃសុក្រ១៥រោចខែផល្គុនឆ្នាំរោង ឆស័កព.ស២៥៦៨ត្រូវនិងថ្ងៃទី២៦ខែមីនាឆ្នាំ២០២៥​។

កិច្ចប្រជុំដែលដឹកនាំដោយ ឯកឧត្តម ឈុំ សុជាតិ រដ្ឋលេខាធិការក្រសួងព័ត៌មាននៅថ្ងៃពុធ៥កើតខែចេត្រឆ្នាំរោងឆស័កព.ស.២៥៦៨ ត្រូវនឹងថ្ងៃទី០២ ខែមេសា ឆ្នាំ២០២៥ វេលាម៉ោង ០៩:០០នាទីព្រឹក បន្ទប់ប្រជុំ ជាន់ទី៦ នៃអគារអគ្គនា យកដ្ឋានព័ត៌មាន និងសោតទស្សន៍ ទីស្តីការក្រសួងព័ត៌មាន។

ក្នុងនាមខ្ញុំបាទ សួន ចំរើន ជាចាងហ្វាង គេហទំព័រស៊ីអេចអ ធីវីអនឡាញ បានផ្សព្វផ្សាយ ព័ត៌មាននៅថ្ងៃទី១៩ខែឆ្នូ ឆ្នាំ២០២៤ដែលមានចំណងជើងថារោងចក្រផលិតបារីគេចពន្ធខុសច្បាប់នៅស្រុកបាទីនៅ តែរក្សាភាពស្ងៀមស្ងាត់ ចំឡែកមន្ត្រីពាក់ព័ន្ធមិនហ៊ានបង្ក្រាបដោយសារហេតុអ្វី វគ្គ៩ នៅថ្ងៃទី១ខែមករាឆ្នាំ២០២៥វគ្គ១នៅថ្ងៃទី១១ខែឆ្នាំដដែលនិងថ្ងៃទី២៤ខែមីនាឆ្នាំ២០២៥ ដែលជាហេតុធ្វើអោយមានការប៉ះពាល់ក្រុមហ៊ុន ដែលមានឈ្មោះថា LKZ HUA SHENG TIAN (CAMBODIA) Tobacco.,Ltd. ដែលមានទីតាំងស្ថិតនៅក្នុងភូមិកណ្តឹងធំឃុំកណ្តឹង ស្រុកបាទី   ឃុំកណ្តឹង ស្រុកបាទី ខេត្តតាកែវ របស់លោក WONG WAI NING  ដែលជាក្រុមហ៊ុន បានចុះបញ្ជីស្របច្បាប់

យោងឯកសារដែលក្រុមហ៊ុនបានបើកបង្ហាញ នៅថ្ងៃទី ០២ ខែមេសា ឆ្នាំ២០២៥ ។ តបតាមកម្មវត្ថុ និងសំណើរ របស់លោកស្រីដែលជាតំណាង ក្រុមហ៊ុន LKZ HUA SHENG TIAN(CAMBODIA)                  Tobacco.,Ltd អង្គភាព ស៊ីអេចអ មានកិត្តិយសនិងសូមជម្រាប ដល់សាធារណៈជន ដែលតែងតែ យកចិត្តទុកដាក់  តាមដាន  រាល់ការផ្សព្វផ្សាយព័ត៌មាន នៃបណ្តាញ សង្គម ហ្វេសប៊ុក គ្រុបតេលេក្រាម ទាំងអស់អោយបានជម្រាបថាអង្គភាពអ្នកសារព័ត៌មានយើង សូមកែតម្រូវ ពាក្យពេចន៍មួយចំនួន នៅក្នុងអត្ថបទ វគ្គ៩  ដើម្បីកុំអោយ បងប្អូនប្រជាពលរដ្ឋ និងអង្កការសង្គមស៊ីវិល មានការភាន់ច្រឡំ មកលើក្រុមហ៊ុន LKZ HUA SHENG TIAN(CAMBODIA)   Tobacco.,Ltd ម៉្យាងទៀត ក្រុមហ៊ុនមានការស្នើសុំទៅក្រសួង ឧស្សាហកម្ម វិទ្យាសាស្ត្របច្ចេកវិទ្យា និងនវានុវត្តន៍ក៏បានកំណត់នូវមុខរបររបស់ម្ចាស់សហគ្រាសឬក្រុមហ៊ុនដែលមានទំហំនៃមូលធនដែលបានកំណត់ដោយច្បាប់ថាត្រូវបានចែងក្នុងមូលដ្ឋាននៃច្បាប់ និងធ្វើការផលិតនូវផលិតផលបារីម៉ាក (HH)ឲ្យស្របតាមស្តង់ដានៃព្រះរាជាណាចក្រកម្ពុជា និងស្របតាមគោលការណ៍មួយចំនួននៃស្តង់ដាអន្តរជាតិ អាស្រ័យដូចបានជម្រាបជូនខាងលើ សូមបងប្អូនសាធារណៈជន ដែលតែងតែ យកចិត្តទុកដាក់ តាមដាន រាល់ការផ្សព្វផ្សាយព័ត៌មាន នៃបណ្តាញ សង្គម ហ្វេសប៊ុក គ្រុបតេលេក្រាម ទាំងអស់ សូមមេត្តាជ្រាបជាព័ត៌មាន។ សំណើរ: អង្គភាពស៊ីអេចអ ធីវីអនឡាញ ជូនចំពោះលោក  WONG WAI NING ម្ចាស់ក្រុមហ៊ុន LKZ HUA SHENG TIAN (CAMBODIA) TODAC .CO,LTD  ជាទីគោរពរាប់អានក្នុងនាមខ្ញុំបាទ ជាចាងហ្វាងគេហទំព័រស៊ីអេចអ ធីវីអនឡាញ មានកិត្តិយស សូមជម្រាបជូនដល់លោកWONG WAI NING អោយបានជ្រាបថា ដើម្បីកុំអោយមានការភាន់ច្រឡំ រវាង ក្រុមហ៊ុនរបស់លោកដែលបានចុះបញ្ជីស្របច្បាប់របស់លោក      ខ្ញុំបាទសូមលើកយកចំណុចខ្លះៗ ដូចខាងក្រោម:  

ទីមួយ: សូមលោកWONG WAI NING លើកស្លាកយីហោក្រុមហ៊ុននៅទីតាំងផលិតបារីខាងលើអោយបានច្បាស់លាស់ការលើកស្លាកយីហោក្រុមហ៊ុនដើម្បីបញ្ជាក់ទីតាំងយោងតាមការស្នើសុំពីម្ចាស់សហគ្រាស ដែលសុំការអនុញ្ញាតពីស្ថាប័នពាក់ព័ន្ធក្នុងការសុំបើកអាជីវកម្មស្របច្បាប់គឺជាកាតព្វកិច្ចដែលក្រុមហ៊ុនត្រូវតែបំពេញយោងតាមច្បាប់នៃព្រះរាជាណាចក្រកម្ពុជា។

  ទីពីរ: សូមលោកWONG WAI NING    សិក្សាបន្ថែម ចំពោះក្លិន ចំហាយថ្នាំដែលជាផលប៉ះពាល់យ៉ាងធ្ងន់ធ្ងរ ចំពោះសុខភាព ប្រជាពលរដ្ឋនៅក្នុងតំបន់។

​​ទីបី:  រាល់សកម្មភាព មានរថយន្តដឹកទំនិញមួយចំនួនដែលអង្គភាពអ្នកសារព័ត៌មានយើងប្រម៉ាញ់ រយ:ពេលកន្លងមក អង្គភាពសារព័ត៌មានយើង និងចុះប្រតិបត្តិការរូបភាពជាថ្មី ដើម្បីធ្វើការផ្សព្វផ្សាយបន្ថែមនៅអត្ថន័យ ពាក្យថាក្រុមហ៊ុនបង់ពន្ធស្របច្បាប់ និងផលិតផលបារី ក្រុមហ៊ុនមួយចំនួនផ្សេងទៀតដែលកំពុងប្រព្រឹត្តបទល្មើស និងបញ្ចេញសកម្មភាពដឹកទំនិញតាមចក្ររបៀងនៃក្រវ៉ាត់ព្រំដែន ប្រទេសជិតខាង នៅក្នុងចំណុចនេះលោកWONG WAI NING ប្រហែលមិនទាន់បានជ្រាប។

ទីបួន: រាល់ការផ្សព្វផ្សាយរបស់អង្គភាពស៊ីអេចអ​ ចំពោះបុគ្គលមួយចំនួន ប្រើពាក្យ មិនសមរម្យ ឬស្នើសុំដល់អង្គភាពក្នុងការលុបព័ត៌មានប្រព្រឹត្តអំពើទុករលួយ  អង្គភាពអ្នកសារព័ត៌មាន និងប្រើសិទ្ធិ ក្នុងការបញ្ចេញមតិ ប្រសិទ្ធិ ក្នុងការផ្សព្វផ្សាយ ​​​និងធ្វើសំណើរ ទៅក្រសួងពាក់ព័ន្ធមានដូចជា ក្រសួងមហាផ្ទៃ ចំពោះមន្ត្រីដែលមិនបំពេញកាតព្វកិច្ចនៃស្ងាប័នពាក់ព័ន្ធ

ទៅអង្គភាពប្រឆាំង អំពើទុករលួយក្នុងការស្នើសុំកិច្ចអន្តរាគមន៍ ស៊ើបអង្កេត ចំពោះបុគ្គលទាំងឡាយណាដែលពាក់ព័ន្ធ។

អង្គភាពអ្នកសារព័ត៌មានស៊ីអេចអ ធីវីអនឡាញសូមថ្លែងអំណរគុណចំពោះលោកWONG WAI NING ម្ចាស់សហគ្រាសក្រុមហ៊ុន LKZ HUA SHENG TIAN (CAMBODIA) TODAC .CO,LTD  និងលោកស្រី តំណាងរបស់ក្រុមហ៊ុនខាងលើ និងសូមទទួលការរាប់អានពីយើងខ្ញុំ។    អង្គភាពស៊ីអេចអធីវីអនឡាញសូមថ្លែងអំណរគុណយ៉ាងជ្រាវជ្រៅចំពោះឯកឧត្តម នេត្រ ភក្ត្រារដ្ឋមន្ត្រីក្រសួងព័ត៌មាននិងឯកឧត្តមឈុំ សុជាតិ រដ្ឋលេខាធិការក្រសួងព័ត៌មាន​ដែលតែងតែយកចិត្តទុកដាក់ដឹកនាំនាវាសន្តិភាពក្នុងការផ្សព្វផ្សាយព័ត៌មានពិត និងទប់ស្គាត់ព័ត៌មានក្លែងក្លាយ ក្រោមច្បាប់របបសារព័ត៌មាន ធម្មនុញវិជ្ជាជីវ: សារព័ត៌មាន។

សូមឯកឧត្តម រដ្ឋមន្ត្រីទទួលនូវការគោរព រាប់អានដ៏ខ្ពង់ខ្ពស់ពីខ្ញុំបាទ សូមអរគុណ។  

ធ្វើនៅថ្ងៃពុធ៥កើតខែចេត្រឆ្នាំរោងឆស័កព.ស.២៥៦៨ត្រូវនឹងថ្ងៃទី០២ ខែមេសា ឆ្នាំ២០២៥

អង្គភាពអ្នកសារព័ត៌មានយើងគ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនានិងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ។ដោយនាគខ្មៅ

វិជ្ជាជីវៈអ្នកសារព័ត៌មាន ប្រតិបត្តិការពិសេស ចុះស៊ើបអង្កេត យោងតាមសំណើររបស់ប្រជាពលរដ្ឋ  ដើម្បីតាមដានព័ត៌មាន

សូមចុច👉https://t.me/+H0S010ecMsIxNjE1 គ្រុបផ្តល់ព័ត៌មាន២៥ សូមអរគុណ៕