វាំងននខ្មៅកំពុងបើកបង្ហាញ ACU កំពុងធ្វើការស៊ើបអង្កេត ការចោទប្រកាន់របស់អង្គភាពអ្នកសារព័ត៌មានមួយចំនួនមកលើលោកស្រីហួត រតនា គួតែសិក្សាឡើងវិញ វគ្គ៩

 

ផ្សាយចេញនីថ្ងៃទី១៥ ខែកុម្ភ:ឆ្នាំ២០២៥

ខេត្តកណ្តាល:វាំងននខ្មៅកំពុងបើកបង្ហាញ ACU កំពុងធ្វើការស៊ើបអង្កេត ការចោទប្រកាន់របស់អង្គភាពអ្នកសារព័ត៌មានមួយចំនួនតូចមកលើលោកស្រីហួត រតនា គួតែសិក្សាឡើងវិញ ដើម្បីកុំអោយមានការពាក់ព័ន្ធហើយសូមបញ្ជាក់ផងដែរថាបច្ចុប្បន្នភាពលោកស្រីហួត រតនា មិនបានធ្វើចរាចរកំពុងចម្លងឡើយចាប់តាំងអាជ្ញាប័ណ្ណអស់សុពលភាព ដោយឡែកអង្គភាពស៊ីអេចអ បានបញ្ជាក់ក្នុងការផ្សព្វផ្សាយព័ត៌មានរួចហើយ នៅវគ្គ៦ថ្ងៃទី៣១ខែមករាឆ្នាំ២០២៥ ផ្សាយវគ្គ៧នៅថ្ងៃទី៥ខែកុម្ភៈ ឆ្នាំ២០២៥និង វគ្គ៨នៅថ្ងៃទី៧ខែកុម្ភៈ ឆ្នាំ២០២៥ ។

អង្គភាពស៊ីអេចអ បានបដិសេធនៅថ្ងៃទី១ខែកុម្ភ:ឆ្នាំ២០២៥ វគ្គ៦  រាល់ការចោទប្រកាន់របស់រដ្ឋបាលខេត្តកណ្តាល ថាអង្គភាពស៊ីអេចអ ផ្សព្វផ្សាយព័ត៌មានប្រឌិត ដែលជាហេតុធ្វើអោយប្រជាពលរដ្ឋមានការភាន់ច្រឡំ។

ស្រាប់តែនៅថ្ងៃទី៣ខែកុម្ភ:ឆ្នាំ២០២៥ថ្មីៗហ៊ុយៗនេះ រដ្ឋបាលខេត្តកណ្តាលចេញឯកសារអត់លេខ មួយច្បាប់ក្នុងការអញ្ជើញលោកស្រី ហួត រតនាទៅសាលាខេត្ត សាលAទីតាំងថ្មី ដើម្បីរកដំណោះស្រាយកនិងបានអោយលោកស្រីទៅសាលាស្រុកស្អាងដកលុយចំនួន៤,០០០USD (បួនពាន់ដុល្លារអាមេរិក)ក្នុងការបញ្ចប់រឿង ។

យោងតាមលិខិត លេខ១៣៥លអជ ចុះនៅថ្ងៃចន្ទ៦កើតខែមេឃឆ្នាំរោង ឆស័កព.ស២៥៦៨ ថ្ងៃទី០៣ ខែកុម្ភៈ ឆ្នាំ២០២៥  លិខិតអញ្ជើញ

យោង៖ -លិខិតលេខ ០៤០/២៤ មសហវ.កណ ចុះថ្ងៃទី៣១ ខែធ្នូ ឆ្នាំ២០២៤ របស់មន្ទីរសេដ្ឋកិច្ចនិងហិរញ្ញវត្ថុខេត្ត -ចំណារចុះថ្ងៃទី០៤ ខែមករា ឆ្នាំ២០២៥ របស់ឯកឧត្តមអភិបាល នៃគណៈអភិបាលខេត្តកណ្តាល   សូមគោរពអញ្ជើញ ៖ លោក អៀច សុវណ្ណវាសនា នាយករងរដ្ឋបាលខេត្ត

-លោក ជាង រិទ្ធី នាយកទីចាត់ការអន្តរវិស័យខេត្ត

-លោក ទេព ភារុណ ប្រធានការិ.កិច្ចការច្បាប់ និងសុវត្ថិសាធារណៈខេត្ត

-លោក ហុង មុយហេង ប្រធានការិ.សេដ្ឋកិច្ច និងសង្គមកិច្ចខេត្ត -លោក អ៊ួង សុវត្ថិ អនុ.ការិ.ទំនាក់.សាធារណៈ និងសហប្រតិ.ការអន្តរជាតិខេត្ត

ដើម្បីចូលរួម ៖ កិច្ចប្រជុំលើករណីសំណើសុំបន្តអាជីវកម្មកំពង់ចម្លងអភិវឌ្ឍន៍កោះថ្មី ភូមិកោះថ្មី ឃុំខ្ពប ស្រុកស្អាង ខេត្តកណ្តាល។  ក្រោមអធិបតីភាព៖ ឯកឧត្តម ណុប ដារ៉ា អភិបាលរង នៃគណៈអភិបាលខេត្តកណ្តាល ដែលប្រព្រឹត្តទៅ៖ នៅថ្ងៃអង្គារ ៧ កើត ខែមាឃ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី០៤ ខែកុម្ភៈ ឆ្នាំ២០២៥ វេលាម៉ោង ៖ ៨:៣០ នាទី ព្រឹក ទីកន្លែង៖ សាលប្រជុំសាលាខេត្ត(សាលAទីតាំងថ្មី)។  ត.ប.អភិបាល នៃគណៈអភិបាលខេត្តកណ្តាលហត្ថលេខានិងត្រានាយករដ្ឋបាល ដី ស៊ីវុត្ថា។

យោងតាមកិច្ចអន្តរាគមន៍ របស់នាយកខុទ្ធកាល័យសម្តេចមហាបតីតេជោ ហ៊ុនសែន នាយករដ្ឋមន្ត្រី លេខ :១១៧៨ ខន/០២២ ធ្វើនៅរាជធានីភ្នំពេញថ្ងៃអង្គារ ៥កើត ខែបុស្សឆ្នាមខាល ចត្វាស័ក ព.ស២៥៦៦ត្រូវថ្ងៃទី២៧ខែធ្នូឆ្នាំ២០២២ហត្ថលេខានិងត្រាហូសិទ្ធី ។

យោងតាមឯកសារមួយច្បាប់នេះ តើលោកស្រី ម៉ុង សុទ្ធាវី គឺជាអ្នកណា ហេតុអ្វីបានជាមានសិទ្ធិ ផ្លាស់ប្តូរប័ណ្ណអាជីវកម្ម បានតាមតែទំនើងចិត្ត ដោយលោកស្រីម៉ុង សុទ្ធាវី មិនមែនប្រកបអាជីវកម្មពិតប្រាកដ ។

យោងលើឯកសាររបស់លោកស្រីហួតរតនា ស្នើសុំទៅ ឯកឧត្តម ឱមយ៉ិនទៀង ទេសរដ្ឋមន្ដ្រី និងជាប្រធាន អង្គភាពប្រឆាំងអំពើពុករលួយក្នុងការត្រួតពិនិត្យ នៅក្នុងខែមករាថ្មីៗហ៊ុយៗឆ្នាំ២០២៥ យោងលើឯកសារច្បាប់ដើម ដែលមន្ត្រីពាក់ព័ន្ធមួយចំនួននោះ បានចុះហត្ថលេខាទទួលប្រាក់ បាត់ថវិកាចំនួន១៧,០០០,០០០ រៀល(ដប់ប្រាំពីរលានរៀល)

យោងលិខិតលេខ:០៦០/២៥លឆកប អ.ប.ព ចុះនៅថ្ងៃសុក្រ១០កើតខែមេឃឆ្នាំរោង ឆស័ក ព.ស២៥៦៨ រាជធានីភ្នំពេញថ្ងៃទី០៧ខែកុម្ភ:ឆ្នាំ២០២៥ ជូនលោកស្រី ហួត រតនា មានទីលំនៅភូមិកោះថ្មីឃុំខ្ពបស្រុកស្អាងខេត្តកណ្តាល​ ហត្ថលេខានិងត្រា ទេសរដ្ឋមន្ត្រី ប្រធានអង្គភាពប្រឆាំងអំពើពុករលួយកិត្តិន៍ភិកោសលបណ្ឌិត ឱមយ៉ិនទៀង។

យោងលិខិតស្នើសុំលោកស្រីហួតរតនា គោរពជូនឯកឧត្តម អគ្គបណ្ឌិតសភាចារ្យ អូនព័ន្ធមុនីរ័ត្ន ឧបនាយករដ្ឋមន្ត្រីរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុដើម្បីស្នើសុំកិច្ចអន្តរាគមន៍ និងត្រួតពិនិត្យ លោក ផែន វីរៈមិនបានបំពេញកាតព្វកិច្ចក្នុងនាមជាមន្ត្រី ស៊ីប្រាក់ខែរដ្ឋផ្អិបឯកសារនិងមិនបន្តអាជ្ញាប័ណ្ណដល់លោកស្រី បែបជាបើកអោយបុគ្គលថ្មីនិងទទួលសេវា៥០០០ដុល្លារក្នុងមួយឆ្នាំ។ 

យោងលិខិតរដ្ឋបាលសាលាខេត្តកណ្តាល ចុះថ្ងៃ១៥រោចខែបុស្សឆ្នាំរោងឆស័កព.ស២៥៦៨ត្រូវនិងថ្ងៃទី២៨ខែមករាឆ្នាំ២០២៥ ដោយមានការប្រថាបត្រារដ្ឋបាលខេត្តកណ្តាលបានចោទប្រកាន់មកលើអង្គភាពអ្នកសារព័ត៌មានយើងថា ប្រឌិតព័ត៌មានមិនពិត ដែលជាហេតុធ្វើអោយប៉ះពាល កិត្តិយសសេចក្តីថ្លៃថ្នូ ក្នុងនាមអ្នកសារព័ត៌មាន នៃអង្គភាពអង្គសាម៉ី ដែលផ្សព្វផ្សាយព័ត៌មានតាមវិជ្ជាជីវ: ប្រកប ដោយក្រមសិលធម៌ សុជីវធម៌ ក្រោមការដឹកនាំរបស់ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន។ 

នៅក្នុងចំនុចនេះ អង្គភាពអ្នកសារព័ត៌មានយើងបានរៀបចំឯកសាររួចហើយនៅថ្ងៃទី១០ខែកុម្ភ:ឆ្នាំ២០២៥ ដើម្បីធ្វើរបាយការណ៍ជូនឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន។

អង្គភាពអ្នកសារព័ត៌មានយើងសូមថ្លែងអំណរគុណយ៉ាងជ្រាវជ្រៅ ចំពោះលោក ចាប វន្នី ប្រធានមន្ទីរព័ត៌មានខេត្តកណ្តាល ដែលបានផ្តល់កិត្តិយសដល់អង្គភាពយើងខ្ញុំ តែគួរអោយសោកស្តាយ យើងខ្ញុំមិនមានពេលវេលាគ្រប់គ្រាន់នៅក្នុងការចូលរួមប្រជុំបានម៉្យាងទៀតមិនមែនជាកាតព្វកិច្ច របស់យើងខ្ញុំឡើយ អាស្រ័យដូចបានជម្រាបជូនខាងលើ សូមលោកប្រធានមន្ទីរព័ត៌មានខេត្ត សូមមេត្តាជ្រាប និងសូមទទួលនូវការគោរពរាប់អានពីយើងខ្ញុំ។  

អ្នកសារព័ត៌មានមិនបំពានសិទ្ធិអ្នកដទៃ មិនបំភ្លៃការពិត ផ្សព្វផ្សាយរឿងពិត យោងអភិក្រមទាំង៥ របស់សម្តេចតេជោ អតីតនាយករដ្ឋមន្ត្រីនៃព្រះរាជាណាចក្រកម្ពុជា ក្នុងការវះកាត់មន្ត្រីមួយចំនួនដែលមិនបានបំពេញកាតព្វកិច្ច ។

បើរឿងនេះមិនមែនជារឿងពិតហេតុអ្វី លោកស្រីប្តឹងទៅ ACU? បើរឿងនេះមិនមែនជារឿងពិតហេតុអ្វី លោកស្រីប្តឹងទៅក្រសួងសេដ្ឋកិច្ចនិងហិរញ្ញវត្ថុ យោងបទសម្ភាសន៍បន្ថែមរវាងលោកស្រីហួត រតនា មកកាន់អង្គភាពអ្នកសារព័ត៌មានយើង លោកស្រីនិងរៀបចំលិខិតកិច្ចស្នើសុំអន្តរាគមន៍ទៅសម្តេចធិបតីហ៊ុន ម៉ាណែតនាយករដ្ឋមន្ត្រីនៃព្រះរាជាណាចក្រកម្ពុជា។

តែទោះបីយ៉ាងណាក្តី ទោះបីអាជ្ជាប័ណ្ណទូកដរត្រូវបានផ្លាស់ប្តូម្ចាស់ គឺជារឿងដែលថ្នាក់ដឹកនាំជាអ្នកសម្រេច តែបុគ្គលដែលជាមន្ត្រី ឃុបឃិតគ្នាជាប្រព័ន្ធ រៀបចំឯកសារក្លែងភូតភរកុហកថ្នាក់ដឹកនាំ មុននិងផ្លាស់ប្តូម្ចាស់ថ្មី គឺជារឿងមិនអាចបិទបាំង ។

យោងលិខិតសំណើរសុំ លោកស្រី ហួត រតនា គោរពជូនឯកឧត្តម អគ្គបណ្ឌិតសភាចារ្យ អូនព័ន្ធមុនីរ័ត្ន ឧបនាយករដ្ឋមន្ត្រីរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុដើម្បីស្នើសុំកិច្ចអន្តរាគមន៍ និងត្រួតពិនិត្យ លោក ផែន វីរៈមិនបានបំពេញកាតព្វកិច្ចក្នុងនាមជាមន្ត្រី ស៊ីប្រាក់ខែរដ្ឋ។

អង្គភាពអ្នកសារព័ត៌មានយើងស្នើសុំដល់ ឯកឧត្តម ឱមយ៉ិនទៀង ទេសរដ្ឋមន្ដ្រី និងជាប្រធាន អង្គភាពប្រឆាំងអំពើពុករលួយ សូមមេត្តាចាត់មន្ត្រីជំនាញ ចុះស៊ើបអង្កេត ករណីមន្ត្រីមួយចំនួនមានទាំងថ្នាក់ភូមិឃុំ ស្រុកយោងតាមការស្នើសុំពឹងពាក់តាមប្រព័ន្ធផ្សព្វផ្សាយទំនាក់ទំនងសង្គម ដោយក្តីអនុគ្រោះ។

អង្គភាពអ្នកសារព័ត៌មានយើង ស្នើសុំ ឯកឧត្តមគួច ចំរើន អភិបាលនៃគណៈអភិបាល ខេត្តកណ្តាលសូមមេត្តាត្រួតពិនិត្យឡើងវិញ រាល់ការចោទប្រកាន់របស់រដ្ឋបាលខេត្តកណ្តាល មកលើអង្គភាពអ្នកសារព័ត៌មានយើង ដោយក្តីអនុគ្រោះ ។

អង្គភាពអ្នកសារព័ត៌មានស៊ីអេចអ ស្នើសុំដល់សម្តេចធិបតី ហ៊ុន ម៉ាណែតនាយករដ្ឋមន្ត្រីនៃព្រះរាជាណាចក្រកម្ពុជា យោងតាមសំណើររបស់ប្រជាពលរដ្ឋ រស់ក្រោមម្លប់សន្តិភាព យោងកម្មវត្ថុភា្ជប់ឯកសារនិងវត្ថុតាងនៃមន្ត្រីមួយចំនួនតូច ដែលកំពុងប្រព្រឹត្តបទល្មើសពុករលុយធ្វើបាបប្រជាពលរដ្ឋ  ដែលជាហេតុបណ្តាលអោយប្រជាពលរដ្ឋមួយចំនួនមានការភាន់ច្រឡំ មកលើប្រមុខថ្នាក់ដឹកនាំ ដែលមានសម្តេចធិបតី ហ៊ុន ម៉ាណែតនាយករដ្ឋមន្ត្រីនៃព្រះរាជាណាចក្រកម្ពុជាដែលកំពុងដឹកនាំនាវាសន្តិភាពក្នុងការអភិវឌ្ឍន៍ ក្នុងនាមខ្ញុំបាទ អតីតជាគណៈកម្មការនាយក នៃសហព័ន្ធប្រព័ន្ធផ្សព្វផ្សាយអាស៊ានប្រចាំកម្ពុជា តែងតែយកចិត្តទុកដាក់បំពេញកាតព្វកិច្ចផ្សព្វផ្សាយព័ត៌មានយោងតាមការស្នើសុំ របស់ប្រជាពលរដ្ឋជនរងគ្រោះ និងប្រឆាំងនិងព័ត៌មានក្លែងក្លាយ  សូមសម្តេចធិបតីជាទីគោរពដ៏ខ្ពង់ខ្ពស់បំផុតសូមសម្តេចធិបតីមេត្តាដោយក្តីអនុគ្រោះ។

ដោយឡែក អង្គភាពអ្នកសារព័ត៌មានយើងគ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនានិងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ។ដោយនាគខ្មៅ

សូមចុច👉https://t.me/+H0S010ecMsIxNjE1 គ្រុបផ្តល់ព័ត៌មាន២៥ សូមអរគុណ៕