ក្នុងនាមជាមន្ត្រីទទួលលុយរត់ការបន្តប័ណ្ណអាជីវកម្មទូកដរមិនបានមិនព្រមសងលុយ គ្រប់ចំនួនទៅអោយជនរងគ្រោះវិញ សូមឯកឧត្តម គួចចំរើនអភិបាលខេត្តកណ្តាល សូមមេត្តាត្រួតពិនិត្យ វគ្គ៣

ផ្សាយចេញនៅថ្ងៃទី០៩ខែធ្នូឆ្នាំ២០២៤

ខេត្តកណ្តាល  ប័ណ្ណអាជីវកម្មកំពង់ចម្លងរបស់លោកស្រី ហួត រតនា ត្រូវបាននិរាករណ៍ តែលោកឧត្តមសេនីយ៍ត្រីស៊ុន វុទ្ធី ធានារត់ការក្នុងការបន្តប័ណ្ណអាជីវកម្មដោយទទួលប្រាក់២០០០ដុល្លារ  កំពង់ចម្លងកោះថ្មី ភូមិកោះថ្មី ឃុំខ្ពប  ស្រុកស្អាង ខេត្តកណ្តាល

អង្គភាពអ្នកសារព័ត៌មានយើង បានទទួលការពឹងពាក់ពីសំណាក់លោកស្រីហួត រតនា ក្នុងការផ្សព្វផ្សាយ ព័ត៌មានជូនថ្នាក់ដឹកនាំ គ្រប់ជាន់ថ្នាក់ មេត្តាជ្រាបនិងសូមជួយអន្តរាគមន៍នៅក្នុងករណីលោក ឧត្តមសេនីយ៍ត្រី ស៊ុន វុទ្ធី បានទទួល២០០០ដុល្លារដែលជាថ្នូរក្នុងការរត់ការបន្តប័ណ្ណអាជីវកម្មតែមិនបានសម្រេច ត្រូវស៊ីដាច់ទាំងមុខញញឹម បន្ទាប់ពីលោកស្រីបានដាក់ពាក្យបណ្តឹង ទើបលោកឧត្តមសេនីយ៍ បានទូទាត់លុយមកអោយជនរងគ្រោះវិញ នៅក្នុងចន្លោះខែមិថុនាឆ្នាំ២០២៤ បានចំនួន៣០០ដុល្លារនិងប្រាក់៨០០០០០០រៀល(ប្រាំបីសែនរៀល)សរុប ជាប្រាក់ដុល្លារស្មើនិង៥០០ដុល្លារអាមេរិក ហើយខែសីហាឆ្នាំ២០២៤កន្លងទៅនេះ ទើបទូទាត់បន្ត ដើម្បីបញ្ចប់រឿង។

ដល់ថ្ងៃកំណត់ លោកឧត្តមសេនីយ៍ត្រី ស៊ុន វុទ្ធី ខលទៅមិនលើក និងប្លុកលេខរបស់លោកស្រីចោលក្នុងការផ្តាច់ការទំនាក់ទំនងគ្នា  ចំណែកមន្ត្រីដែលទទួលពាក្យក្នុងការសម្របសម្រួល មកលើរលោកស្រី ខ្លះការទទួលខុសត្រូវ ។

រហូតមកដល់ថ្ងៃទី២៩ខែវិច្ឆិកាឆ្នាំ២០២៤បន្ទាប់អ្នកសារព័ត៌មានយើងខលធ្វើបទសម្ភាសន៍ជាមួយ លោកឧត្តមសេនីយ៍ត្រី ស៊ុន វុទ្ធី លើកទី១លោកបានប្រាប់ថា បានទូទាត់រួចរាល់អស់ហើយ (ដោយមានសម្លេងរីខត)

បើយោងតាមសម្លេងបែកធ្លាយ សារគំរាមមកលើជនរងគ្រោះ ថាបើមិនព្រមទទួលយកលុយ១០០០ដុល្លារក្នុងការបញ្ចប់រឿងទេ និងមានរឿងធំ ដោយមន្ត្រីម្នាក់នោះដែលជាអ្នកទទួលពាក្យបណ្តឹង របស់លោកស្រី ហួត រតនា ។

មានមន្ត្រីស័ក្តិ៥ មានទាំងផ្កាយ១ ឈានទៅដល់ផ្កាយ៣ ដែលកំពុងដាក់សម្ពាតទៅជនរងគ្រោះ មិនតែប៉ុណ្ណោះ អង្គភាពអ្នកសារព័ត៌មានបានធ្វើបទសម្ភាសន៍ ផងដែរ លោកមន្ត្រីផ្កាយ៣ បានសួរអ្នកសារព័ត៌មានយើងថា អ្នកណាអោយផ្សាយ រឿងនេះគឺធ្វើអោយប៉ះពាល់ដល់កិត្តិយស គេកំពុងដោះស្រាយហើយលុយពិបាករកណាស់ដឹងអត់  បើលុយពិបាករកពេលលោកឧត្តមសេនីយ៍យកលុយគេ គេមិនពិបាកទេឬអីលោក ?ក្នុងនាមលោកជាមន្ត្រី ដែលបំរើប្រជាពលរដ្ឋ?

សូមបញ្ជាក់ផងដែលថាការគម្រាមប្តឹងដកអាជ្ញាប័ណ្ណសារព័ត៌មាន គឺជារឿងមួយដែលអង្គភាពសារព័ត៌មានស៊ីអេចអ ទទួលច្រើនមកហើយដែល តែរឿងសំខាន់បំផុតនោះរាល់ការផ្សព្វផ្សាយគឺជារឿងពិត ដើម្បីបើកបង្ហាញការពិត នៃសង្គមមួយ តាមរយះផ្សព្វផ្សាយ ប្រកបដោយក្រមសីលធម៌ សុជីវធម៌ វិជ្ជាជីវអ្នកសារព័ត៌មានអង្គភាពអ្នកសារព័ត៌មានយើង ក៏មានមន្ត្រីផ្នែកច្បាប់ មានមេធាវីក្នុងការពិគ្រោះយោបល់ក្នុងការជួយសម្របសម្រួលរកដំណោះស្រាយជូនប្រជាពលរដ្ឋ ។ 

បើយោងការសន្ទនារបស់លោក ឧត្តមសេនីយ៍ត្រី ស៊ុន វុទ្ធី មានពាក់ព័ន្ធទៅនិងលោកវីរះ តើលោកវីរះជាអ្នកណា 

អង្គភាពអ្នកសារព័ត៌មានតំណាងអោយជនរងគ្រោះ សូមស្នើសុំ ឯកឧត្តម គួចចំរើនអភិបាលខេត្តកណ្តាលនិងជាគណៈមេបញ្ជាការឯកភាព ជួយអន្តរាគមន៍ និងចាត់មន្ត្រីជំនាញ ចុះអធិការកិច្ចពាក់ព័ន្ធក្នុងករណី មន្ត្រីចំនួននីក្នុងស្រុកស្អាង កំពុងឃុបឃិតគ្នាជាប្រព័ន្ធ ប្រព្រឹត្តអំពើពុករលួយ និងធ្វើបាកប្រជាពលរដ្ឋជនរងគ្រោះ ដែលខ្លួនជាមន្ត្រីស៊ីប្រាក់ខែរដ្ឋ  មកធានាអះអាងក្នុងការរត់ការបន្តប័ណ្ណអាជីវកម្មទូកដរ តើពិតដែលឬទេគ្រាន់តែបន្តប៉ាតុង ត្រូវបង់ប្រាក់ចំនួន៨០០០០០០០រៀល នៅចំណុចកោះថ្មី ? កំពុងចំឡងទូកដរ ប្រែក្លាយជាកន្លែង បង្កើតមុខជំនួញ មានការប្រគួតប្រជែងគ្នា ក្នុងការដណ្តើមផលប្រយោជន៍ អ្នកមានអំណាច មានលុយ មានយសសក្តិ បែជាមកធ្វើបាបប្រជាពលរដ្ឋស្លូតត្រង់ ដែលមិនមានអ្វីទៅតតាំងបាន។ 

អង្គភាពអ្នកសារព័ត៌មានយើងស្នើសុំដល់ ឯកឧត្តម ឱមយ៉ិនទៀង ទេសរដ្ឋមន្ដ្រី និងជាប្រធាន អង្គភាពប្រឆាំងអំពើពុករលួយ ចាត់មន្ត្រីជំនាញ ចុះស៊ើបអង្កេតដោយក្តីអនុគ្រោះ ។  

អង្គភាពអ្នកសារព័ត៌មាន សូមស្នើសុំដល់  នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ សូមមេត្តាចាត់វិធានការមន្ត្រីក្រោមឱវាទ យកលុយរត់ការបន្តប័ណ្ណអាជីវកម្មស៊ីដាច់លុយប្រជាពលរដ្ឋគ្មានទំនួលខុសត្រូវសូមនាយឧត្តមសេនីយ៍ ទទួលនូវការគោរពពីយើងខ្ញុំដោយក្តីអនុគ្រោះ ។

អង្គភាពអ្នកសារព័ត៌មានយើងគ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនានិងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ។ដោយនាគខ្មៅ

https://t.me/chrtvonline គ្រុបព័ត៌មាន ទាន់ហេតុការណ៍ សូមអរគុណ។

https://t.me/+H0S010ecMsIxNjE1 គ្រុបផ្តល់ព័ត៌មាន២៥ខេត្តក្រុង សូមអរគុណ។

https://www.tiktok.com/@savy.chamroeun?_t=8r0ayaiTao3&_r=1