មន្ត្រីត្រួតពិនិត្យច្រកអន្តរជាតិអន្លុងជ្រៃ ដែលឃុបឃិតគ្នាជាប្រព័ន្ធ ធ្វើអោយបាត់បង់ចំណូលរបស់រដ្ឋ ដោយក្រុមឈ្មួញជនជាតិវៀតណាម ដឹកជញ្ជូន សំបកកង់ឡានគេចពន្ធនៅតែរក្សាភាពស្ងៀមស្ងាត់ វគ្គ៥

ផ្សាយចេញនៅថ្ងៃទី០២ ធ្នូ ឆ្នាំ២០២៤

ខេត្តព្រៃវែង: ច្រកអន្តរជាតិអន្លុងជ្រៃដ៏សំខាន់មួយកន្លែង ស្ថិតនៅភូមិម៉ឺនជ័យឃុំស្មោងខាងត្បួង.ស្រុក កំចាយមារ ខេត្តព្រៃវែង កំពុងបើកដៃ អោយក្រុមឈ្មួញជនជាតិវៀតណាម ដឹកទំនេញ ចេញចូលគ្រប់ប្រភេទ គេចពន្ធ ដូចជាសំបកកង់ឡាន ដែលត្រូវបានចៀររួច ដោយមន្ត្រីចំនួនតូច ឃុបឃិតគ្នាជាប្រព័ន្ធ ប្រព្រឹត្តអំពើពុករលួយ ដោយជាហេតុធ្វើអោយបាត់បង់ចំណូលរដ្ឋ ។

ដោយឡែក នៅថ្ងៃទី៤ខែវិចិ្ឆកាឆ្នាំ២០២៤ អង្គភាពអ្នកសារព័ត៌មានយើង បានចុះប្រតិបត្តិការពិសេសរួមគ្នាមួយ ជាច្រើនអង្គភាព បានប្រមាញ់ បានរូបភាពមួយចំនួន របស់ជនជាតិវៀតណាម ដែលជាថៅកែក្រុមរថយន្តកង់១០ ជាច្រើនគ្រឿង ស្តុកដោយសំបកកង់ឡាន ត្រៀមនាំចេញទៅប្រទេសវៀតណាម។

(គេចពន្ធដឹកទំនិញចេញតាមចក្រទ្វាអន្តរជាតិ អន្លង់ជ្រៃ អង្គភាពសារព័ត៌មាន ព្យាយាមទំនាក់ទំនងទៅលោក ឧត្តមសេនីយ៍ឯក ដែលគេតែងហៅគាត់ថា បងបារាំង  តាមរយះទូរស័ព្ទលេខ ០៣១៨៩១៧៧៧៧ ) បន្ទាប់ពីទទួលទូរស័ព្ទ ថាជាអ្នកសារព័ត៌មាន ក៏បិទទូរស័ព្ទទៅវិញ។

ជនជាតិវៀតណាមដែលជាថៅកែ ដែលជាកន្លែងស្តុកទំនេញដ៏ធំ ប្រមូលផ្តុំដោយសំបកកង់ឡានគ្រប់ប្រភេទ ដឹកជញ្ជូនចេញជារៀងរាល់ថ្ងៃ នៅក្នុងចំណុចនេះខាងលើ ពិតជាមានខ្នងបង្អែកដ៏រឹងមាំ សូម្បីតែអាជ្ញាធរសមត្ថកិច្ចប្រចាំតំបន់ ក៏មិនហ៊ានប៉ះ។

បើយោងតាមរូបភាពដែលអង្គភាពអ្នកសារព័ត៌មានយើងប្រមាញ់បាន ទីតាំងភូមិសាស្ត្ររបស់ជនជាតិវៀតណាមរូបនោះយកមកធ្វើអាជីវកម្មស្ថិតនៅក្នុងតំបន់ជាប់និងច្រកអន្តរជាតិអន្លុងជ្រៃតែម្តង(ទៅដល់មុខច្រកហើយបទស្តាំប្រហែល៣០០ម៉ែត្រ និងមានគ្រឿងចក្រជាច្រើនគ្រឿង កំពុងបញ្ចេញសកម្មភាពចាប់ស្ទូចសំបកកង់ឡានដឹកលើរថយន្តកង់១០។

អង្គភាពអ្នកសារព័ត៌មានយើងស្នើសុំដល់ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា សូមតើរថយន្ត កង់១០ទាំងនោះ មានក្រុមហ៊ុនពិតប្រាកដដែលឬទេ? តើបានបង់ពន្ធតាមគោលការច្បាប់ដែលបានកំណត់ដែលឬទេ?មេត្តា ចាត់មន្ត្រីជំនាញចុះត្រួតពិនិត្យនៅក្នុងករណីនេះផងទាន។

អង្គភាពអ្នកសារព័ត៌មានយើងស្នើសុំដល់ ឯកឧត្តម ឱមយ៉ិនទៀង ទេសរដ្ឋមន្ដ្រី និងជាប្រធាន អង្គភាពប្រឆាំងអំពើពុករលួយ ចាត់មន្ត្រីជំនាញ ចុះស៊ើបអង្កេត រឿងនេះផងទាន ។

អង្គភាពអ្នកសារព័ត៌មានយើងស្នើសុំដល់ឯកឧត្តមអភិសន្តិបណ្ឌិតសសុខាឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សូមមេត្តាចាត់មន្ត្រីជំនាញចុះត្រួតពិនិត្យនៅក្នុងករណីនេះដោយក្តីអនុគ្រោះ។

អង្គភាពអ្នកសារព័ត៌មានយើងគ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនានិងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ។ដោយ នាគខ្មៅ

https://t.me/chrtvonline គ្រុបព័ត៌មាន ទាន់ហេតុការណ៍ សូមអរគុណ។

https://t.me/+H0S010ecMsIxNjE1 គ្រុបព័ត៌មាន២៥ខេត្តក្រុង សូមអរគុណ។

https://www.tiktok.com/@savy.chamroeun?_t=8r0ayaiTao3&_r=1