រោងចក្រផលិតបារីគេចពន្ធនៅស្រុកបាទី ល្បីថាមានច្បាប់អនុញាតិគ្រប់គ្រាន់ ចំណែកមន្ត្រីពាក់ព័ន្ធ មិនហ៊ានចុះបង្ក្រាបល្បីថារបស់លោក ឧកញ្ញាម្នាក់ វគ្គ៥

ផ្សាយចេញនៅថ្ងៃទី១៨ខែវិច្ឆិកាឆ្នាំ២០២៤

ស្រុកបាទី  : បន្ទាប់ពី អង្គភាពអ្នកសារព័ត៌មានស៊ីអេចអ ធីវីអនឡាញ បានផ្សព្វផ្សាយជាច្រើនវគ្គ  កន្លងទៅថ្មីៗមិនបានប៉ុន្មានថ្ងៃ នៅចំណុចទីតាំងរោងចក្រផលិតបារីមួយកន្លែងឈ្មោះ LKZ HUA SHENG TIAN (CAMBODIA) Tobacco.,Ltd.ស្ថិតនៅក្នុងភូមិកណ្តឹងធំ ឃុំកណ្តឹង ស្រុកបាទី ខេត្តតាកែវ ដែលជាទីកន្លែងផលិតបារី ដែលល្បីថាស្របច្បាប់ មានការអនុញ្ញាតិពី ក្រសួងពាណិជ្ជកម្ម ក្រសួងសេដ្ឋកិច្ច និងហិរញ្ញវត្ថុ  និងមានបង់ប៉ាតុង នៅក្នុងនោះ អង្គភាពសារព័ត៌មានយើង ស្នើសុំក្រសួងពាក់ព័ន្ធសូមមេត្តាត្រួតពិនិត្យ ។ 

រោងចក្រផលិតបារីគេងពន្ធ ផលិតនិងចែកចាយទៅប្រទេសវៀតណាម សូមអគ្គនាយកដ្ឋានគយនិងរដ្ឋាករ និងស្ថាប័នពាក់ព័ន្ធ និងមន្ត្រីជំនាញ(ក.ប.ប)គួរតែអនុវត្តន៍ច្បាប់ដែលបានចែង នៅក្នុងព្រះរាជណាចក្រកម្ពុជា  មកដល់ចំណុចនេះ មន្ត្រីជំនាញនិងស្ថាប័នពាក់ព័ន្ធ មួយចំនួនមិនហ៊ានចុះបង្ក្រាប ប្រហែលត្រូវថ្នាំសណ្តំ ឬប្រព្រឹត្តអំពើ ពុករលួយ អស់ទៅហើយមើលទៅ ការនាំចេញផលិតផល(បារី)ទៅបរទេស ដែលមានព្រំប្រទល់ជាប់និងខេត្តតាកែវ ឆ្លងទៅប្រទេសវៀតណាម គឺជាសិទ្ធិរបស់ម្ចាស់សហគ្រាស ក្រុមហ៊ុន តើការនាំចេញបារីទាំងនោះស្របតាមច្បាប់អន្តរជាតិ តាមស្តង់ដាដែលឬទេ? តែអ្វីដែលអង្គភាពសារព័ត៌មានយើង ចង់បើកបង្ហាញនោះ គឺក្លិនរបស់ថ្នាំ រួមនិងសារធាតុញៀន មួយចំនួន ដែលជាមូលហេតុ ធ្វើអោយប៉ះពាល់ដល់សុខភាព និងកើតជំងឺមហាជាច្រើនប្រភេទ ដែលកន្លងមកអង្គភាពអ្នកសារព័ត៌មាន ជាច្រើនបានចុះផ្សាយ ជាបន្តបន្ទាប់ ពីមួយទៅមួយ ក្នុងការជំរុញឲ្យមន្ទីរការងារនិងបណ្ដុះបណ្ដាលវិជ្ជាជីវៈ និងស្ថាប័នពាក់ព័ន្ធជួយឆ្លើយបំភ្លឺ  ចំពោះទីតាំងរបស់ក្រុមហ៊ុនខាងលើគឺជាកន្លែងផលិតបារីដែលល្បីថាស្របច្បាប់ក្តី តែគ្រាន់តែជារនាំងបិទបាំង បង្កើនផលិតសារធាតុញៀន និងផលិតស្លាកយីហោ ផ្សេងៗជាច្រើន ។

បើយោងទៅតាមច្បាប់ដែលបានចែងនៅក្នុងក្រសួងពាណិជ្ជកម្មត្រូវបានកំណត់ម៉ាក ចំនួនផលិតផល និងឈ្មោះក្រុមហ៊ុនទៅតាមការផ្ដល់ជូនមានចំនួនកំណត់ជាក់លាក់នៃក្រុមហ៊ុនខ្នាតតូច មធ្យម និងខ្នាតធំ និងចាំបាច់ត្រូវតែផ្ដល់ជូនទៅតាមចំនួនដែលបានសុំពីម្ចាស់សហគ្រាសឬម្ចាស់ក្រុមហ៊ុនដើម្បីអនុវត្តចេញដោយក្រសួងពាណិជ្ជកម្ម។

ផ្អែកតាមច្បាប់ដែលបានកំណត់ដោយនាយកដ្ឋានពន្ធដាររបស់ក្រសួងសេដ្ឋកិច្ច និងហិរញ្ញវត្ថុដែលបានផ្ដល់ជូននូវតម្លៃ និងផលិតផលបានកំណត់ត្រូវតែការបង់ពន្ធទៅតាមម៉ាកនីមួយៗ ដែលត្រូវបានចុះបញ្ជីក្រោមស្លាកយីហោរ ឬប្រភេទផលិតផល។ ទាក់ទងចំពោះការផលិតទៅនឹងវត្ថុធាតុដើមទៅតាមស្តង់ដា និងបទដ្ឋានក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក៏បានកំណត់នូវមុខរបររបស់ម្ចាស់សហគ្រាសឬក្រុមហ៊ុនដែលមានទំហំនៃមូលធនដែលបានកំណត់ដោយច្បាប់ ត្រូវបានចែងក្នុងមូលដ្ឋាននៃច្បាប់ និងធ្វើការផលិតនូវផលិតផលទាំងអស់ឲ្យស្របតាមស្តង់ដា នៃព្រះរាជាណាចក្រកម្ពុជា និងស្របតាមគោលការណ៍មួយចំនួននៃស្តង់ដាអន្តរជាតិ។

រោងចក្រផលិតបារីមួយកន្លែងនេះ ក្លាយជាកន្លែងស្តុកបារី ក្នុងការបញ្ជូនទៅចែកចាយនៅប្រទេសវៀតណាម បង់ពន្ធមិនគ្រប់ឬជាបារីគេចពន្ធ លំហូរតាមច្រករបៀងទៅប្រទេសផ្សេងដែលជាដៃគូរួមគំនិត ក្នុងការផលិតនិងចែកចាយ ។

លោក ឃួន ឈីម អភិបាលស្រុក បាទី បានបញ្ជាក់ប្រាប់អ្នកសារព័ត៌មានយើងថា ទី១ក្រុមហ៊ុនមានច្បាប់ ទី២ ធ្វើយ៉ាងណាក្នុងការលុបបំបាត់ការវិនិយោគ និងគាំទ្រអោយសេដ្ខកិច្ចរីកចំរើន សូមអោយបងប្អូនសារព័ត៌មានយល់ អង្គភាពង្នកសារព័ត៌មានយើង ពិតជាអរគុណណាស់ទាន រាល់ការបំភ្លឺយ៉ាងច្បាស់លាស់ របស់ចៅហ្វាយស្រុកបាទី ។ ពាក្យថាក្រុមហ៊ុន មានច្បាប់ជារឿងធម្មតា តើច្បាប់ទាំងនោះ ក្រសួងណាខ្លះជានាក់សម្រេច? កន្លែងនេះជារឿងសំខាន់ រោងចក្រផលិត បារី ឬជាឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ អ្នកណាស្ថាប័នណា ក្រសួងណា ផ្តល់សិទ្ធិជូនលោក មន្ត្រីគយត្រួតពិនិត្យ ពន្ធនាំចូល ផលិតក្នុងស្រុក ត្រួតពិនិត្យ ដោយមន្ត្រីជំនាញ(ក.ប.ប) តើលោកចៅហ្វាយស្រុកស្គាល់ (ក.ប.ប)ដែលឬទេ? ក្នុងនាមជាឪពុកម្តាយ អោយតែបានទទួលវិនិយោគ (លុយ) មិនខ្វល់ពីសុខទុក្ខរបស់ប្រជាពលរដ្ឋ តើសព្វថ្ងៃនេះ លោកបើកប្រាក់ខែរដ្ឋឬ? ។ ប្រជាពលរដ្ឋនិងអង្គការសង្គមស៊ីវិលសង្ឃឹមថា  ឯកឧត្តម វី សំណាង អភិបាលខេត្តតាកែវ  និង ឧត្តមសេនីយ៍ទោ ម៉ែន លី  ស្នងការនគរបាលខេត្តតាកែវ សូមមេត្តាចាត់វិធានការណ៍ ចាត់មន្ត្រីជំនាញ ចុះទៅពិនិត្យចំពោះទីតាំងខាងលើដោយក្តីអនុគ្រោះ។

អង្គភាពអ្នកសារព័ត៌មានយើងស្នើសុំដល់ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា សូមមេត្តា ចាត់មន្ត្រីជំនាញចុះត្រួតពិនិត្យនៅក្នុងករណីនេះដោយក្តីអនុគ្រោះ។

អង្គភាពអ្នកសារព័ត៌មានយើងស្នើសុំដល់ ឯកឧត្តម ឱមយ៉ិនទៀង ទេសរដ្ឋមន្ដ្រី និងជាប្រធាន អង្គភាពប្រឆាំងអំពើពុករលួយ មេត្តា ចាត់មន្ត្រីជំនាញ ចុះស៊ើបអង្កេត ករណីរោងចក្រផលិតបារីគេចពន្ធ ខាងលើដោយក្តីអនុគ្រោះ។

ប្រជាពលរដ្ឋ ស្នើសុំដល់ឯកឧត្តមអភិសន្តិ បណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ សូមមេត្តាចាត់មន្ត្រីជំនាញ ចុះទៅពិនិត្យចំពោះទីតាំងខាងលើដោយក្តីអនុគ្រោះ។

អង្គភាពអ្នកសារព័ត៌មានគ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនានិងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ។ដោយនាគខ្មៅ

https://t.me/chrtvonline គ្រុបព័ត៌មាន ទាន់ហេតុការណ៍ សូមអរគុណ។

https://t.me/+H0S010ecMsIxNjE1 គ្រុបផ្តល់ព័ត៌មាន២៥ខេត្តក្រុង សូមអរគុណ។

https://www.tiktok.com/@savy.chamroeun?_t=8r0ayaiTao3&_r=1