ស.ស.យ.ក. ខេត្តកំពង់ចាម សូមគោរពរាយការណ៍សកម្មភាពប្រចាំថ្ងៃទី៦ ខែវិច្ឆិកា ឆ្នាំ២០២៤ ដូចខាងក្រោម៖

👉ស.ស.យ.ក.វិស័យសាខាពន្ធដារ ខេត្តកំពង់ចាមបានចូលរួមជួយរៀបចំសិក្ខាសាលានៅសាខាពន្ធដារខេត្ត ក្រោមប្រធានបទ ការផ្សព្វផ្សាយស្តីពី លិខិតបទដ្ឋានគតិយុត្តថ្មីៗពាក់ព័ន្ធនឹងវិស័យអចលនទ្រព្យ (ពន្ធលេីអចលនទ្រព្យ ពន្ធលេីដីធ្លីមិនបានប្រេីប្រាស់

និងពន្ធប្រថាប់ត្រា) ក្រោមអធិបតីភាពឯកឧត្តម លី សារ៉ារិទ្ធ អភិបាលរងនៃគណៈអភិបាលខេត្តកំពង់ចាម និងលោក ហេង កុសលបុត្រ ប្រធានសាខាពន្ធដារខេត្ត សរុបសិក្ខាកាមចំនួន ៩០នាក់។

👉លោក ជឹម លាភី ប្រធាន ស.ស.យ.ក.ក្រុងកំពង់ចាមបានដឹកនាំក្រុមការងារចូលសួរសុខទុក្ខលោកជំទាវ អនហេង លក្ខិណា អនុប្រធាន ស.ស.យ.ក.ខេត្តកំពង់ចាម និងកញ្ញា ថូ ស៊ីថាត ស.ស.យ.ក ក្រុង ដែលកំពុងសម្រាកព្យាបាលជំងឺនៅគេហដ្ឋាន ។

👉លោក ហេង សាន ប្រធាន ស.ស.យ.ក.ឃុំកោះសូទិនបានដឹកនាំក្រុមការងារ និងអតីសិស្សវិទ្យាល័យកោះសូទិនឆ្នាំ១៩៨៦-១៩៩០ រួមជាមួយអាជ្ញាធរឃុំ អាជ្ញាធរភូមិទី៥លោកយាយលោកតា បានធ្វើពិធីសូត្រមន្តលើករាសីសូមសេចក្តីសុខចម្រើន និងប្រគល់ផ្ទះជូនលោកយាយ អ៉ី ឆៃវ៉ន ទុកជាកម្មសិទ្ធរបស់លោកយាយផ្ទាល់ក្រោមអធិបតីភាពឯកឧត្តម ផេន សុផល និងឯកឧត្តម សា ស៊ីថា អភិបាលរង នៃគណ:អភិបាលខេត្តកំពង់ចាម។

👉លោក យ៉ា សុគ្រី អនុប្រធាន ស.ស.យ.ក.ឃុំកោះសូទិនបានដឹកនាំក្រុមការងារ ចូលរួមចែកអំណោយដល់គូស្វាមីភរិយាថ្មីក្នុងថ្ងៃរៀបអាពាហ៍ពិពាហ៍មួយគូឈ្មោះ លី សុក្រី និងកូនស្រីឈ្មោះ ស្មាន ហាប់ស្រស់ ជាចំណងដៃ នូវ អង្ករ 2បេ ស្មើ១០០ kg គិតជាថវិកា 280,000រៀល ដែលជាអំណោយរបស់លោក លី មូសា គណ:អ៉ីម៉ាំស្រុក និងជាសមាជិកក្រុមប្រឹក្សាស្រុកកោះសូទិន ។

សូមមេត្តាទទួលជ្រាបដ៏ខ្ពង់ខ្ពស់!

ពីខ្ញុំបាទ ហាន កុសល

https://t.me/chrtvonline គ្រុបព័ត៌មាន ទាន់ហេតុការណ៍ សូមអរគុណ។