ឧត្ដមសេនីយ៍ត្រី ញ៉ែម សៅ ស្នងការរង តំណាងដ៏ខ្ពង់ខ្ពស់លោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ អញ្ជើញចូលរួមវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ដកំពង់ស្ពឺ លេីកទី ០១ អាណត្តិទី ០៤ ឆ្នាំ២០២៤ នៅក្រុងច្បារមន .,

#កំពង់ស្ពឺ៖ នារសៀលថ្ងៃអង្គារ ១១រោច ខែកត្តិក ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី២៦ ខែវិច្ឆិកា ឆ្នាំ២០២៤ នៅក្រុងច្បារមន ក្រុមប្រឹក្សាខេត្តកំពង់ស្ពឺ និងរដ្ឋបាលខេត្ដកំពង់ស្ពឺ បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ដកំពង់ស្ពឺ លេីកទី០១ អាណត្តិទី០៤ ឆ្នាំ២០២៤ ក្រោមអធិបតីភាព ឯកឧត្តម អុិន ឃុន សមាជិកក្រុមប្រឹក្សាខេត្ត ជាតំណាង ឯកឧត្ដម យឹម សុខុម ប្រធានក្រុមប្រឹក្សាខេត្ត  ឯកឧត្តម បណ្ឌិត តូច ប៉ូលីវ៉ា អភិបាលរងខេត្ដតំណាងដ៏ខ្ពង់ខ្ពស់ឯកឧត្ដម បណ្ឌិត ជាម ច័ន្ទសោភ័ណ្ឌ អភិបាលខេត្តកំពង់ស្ពឺ ។ 

វេទិកានិងពិគ្រោះយោបល់មានការចូលរួមពីឯកឧត្ដម លោកជំទាវ សមាជិកក្រុមប្រឹក្សាខេត្ត លោកមេបញ្ជាការរងខេត្ត កងកម្លាំងប្រដាប់អាវុធ ទាំង៣ ប្រភេទលោកអភិបាលក្រុង -ប្រធានក្រុមប្រឹក្សាក្រុង  លោក លោកស្រី ប្រធានមន្ទីរជុំវិញខេត្ត លោកមេបញ្ជាការ កម្លាំងទាំង៣ លោក លោកស្រី សមាជិកក្រុមប្រឹក្សាក្រុង រដ្ឋបាលក្រុង លោកចៅសង្កាត់ សមាជិកក្រុមប្រឹក្សាសង្កាត់ លោកនាយប៉ុស្ដិនគរបាលរដ្ឋបាល ព្រមទាំងអស់លោក លោកស្រី មន្ត្រីរាជការ ប្រជាពលរដ្ឋនៅទូទាំងក្រុងច្បារមនប្រមាណ២៥៦នាក់។

វេទិកានាធ្វើឡើងដើម្បីប្រមូលមតិយោបល់ បញ្ហាប្រឈម និងសំណូមពរនានារបស់ប្រជាពលរដ្ឋ យកមកពិភាក្សាស្រាយបំភ្លឺ និងធ្វើការដោះស្រាយឱ្យចំគោលដៅ ប្រកបដោយប្រសិទ្ធភាព និងទាន់ពេលវេលា ដែលបានបង្ហាញឱ្យឃើញពីការប្តេជ្ញាចិត្តចូលរួមសហការយ៉ាងខ្លាំងក្លានៅក្នុងដំណើរការនៃការគាំទ្រ និងជំរុញការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិស្របតាមក្របខ័ណ្ឌយុទ្ធសាស្ត្រស្តីពីកំណែទម្រង់វិមជ្ឈការ និងវិសហមជ្ឈការ ឱ្យកាន់តែទទួលបានលទ្ធផលជោគជ័យថ្មីៗ ឆ្លើយតបទៅនឹងសេចក្តីត្រូវការពិតប្រាកដរបស់ប្រជាពលរដ្ឋនៅមូលដ្ឋាន។

https://t.me/chrtvonline គ្រុបព័ត៌មាន ទាន់ហេតុការណ៍របស់អង្គភាពស៊ីអេចអ សូមអរគុណ។

https://t.me/+H0S010ecMsIxNjE1 គ្រុបផ្តល់ព័ត៌មាន២៥ខេត្តក្រុង បណ្តំអង្គភាពសូមអរគុណ។

https://t.me/+aLYstLR8TNswMjZl គ្រុបទទួលពាក្យបណ្តឹង ជនរងគ្រោះសូមអរគុណ។ 

https://www.tiktok.com/@savy.chamroeun?_t=8r0ayaiTao3&_r=1