អបអរសាទរ លទ្ធផលប្រឡងបាកឌុបឆ្នាំ២០២៤ក្នុង ខេត្តបន្ទាយមានជ័យ សិស្សជាប់ទូទៅចំនួន ៤.៨៣៩នាក់ស្រី២.៩៤៨នាក់និទ្ទេសA. ចំនួន៧៤នាក់/ស្រី៤៦នាក់ ខេត្តបន្ទាយមានជ័យ

(បន្ទាយមានជ័យ) នៅព្រឹកថ្ងៃទី ៣១ ខែតុលា ឆ្នាំ២០២៤នេះ លោក យឹម សំណាង អភិបាលរងខេត្តបន្ទាយមានជ័យ លោក ស្រេង សុផល អភិបាលក្រុងសិរីសោភ័ណ លោកឈួ ប៊ុនរឿង ប្រធានមន្ទីរអប់រំ យុវជន និងកីឡាខេត្តបន្ទាយមានជ័យ បានធ្វើការប្រកាស លទ្ធផលប្រឡងបាកឌុបឆ្នាំ២០២៤ ក្នុងខេត្តបន្ទាយមានជ័យ សិស្សជាប់ទូទៅមាន ចំនួន ៤.៨៣៩នាក់ស្រី២.៩៤៨នាក់ និទ្ទេសA. ចំនួន៧៤នាក់/ស្រី៤៦នាក់និទ្ទេសB ៤១៦នាក់ ស្រី២៤២នាក់ និទ្ទេសC ១.០០៣នាក់ស្រី៦៥៣នាក់ និទ្ទេស D១៦.៣០នាក់ស្រី១.០៥៩នាក់និទ្ទេសE១៧១៦នាក់ ស្រី៩៤៨នាក់។

គួរបញ្ជាក់ថា៖ សម្រាប់ការប្រឡងសញ្ញបត្រមធ្យមសិក្សាទុតិយភូមិ ឆ្នាំសិក្សា២០២៤-២០២៥ដែលប្រព្រឹត្តទៅកាលពីថ្ងៃទី៨.៩ ខែតុលា ឆ្នាំ២០២៤ ក្នុងខេត្តបន្ទាយមានជ័យ មានសិស្សចូលប្រឡងចំនួន ៦២៣៥នាក់ ស្រីមានចំនួន៣៥៦៩នាក់ មានមណ្ឌលប្រឡងចំនួន៨ រួមមាន៖១.មណ្ឌលបឋមសិក្សាហ៊ុនសែនសុភី ២.មណ្ឌលវិទ្យាល័យហ៊ុនសែនខ្លាកូន ៣.មណ្ឌលសាកលវិទ្យាល័យជាតិមានជ័យ ៤.មណ្ឌលវិទ្យាល័យសិរីសោភ័ណ ៥.មណ្ឌលវិទ្យាល័យសម្ដេចឪ ៦.មណ្ឌលសាកលវិទ្យាល័យគ្រប់គ្រងUME ៧.មណ្ឌលវិទ្យាល័យអូអំបិល ៨.មណ្ឌលអនុវិទ្យាល័យទឹកថ្លា។ មណ្ឌលទាំង៨ មានបន្ទប់សរុប ១៧៦បន្ទប់។