លោក រ៉េត រ៉ន និងក្រុមការងារ អញ្ជើញចុះសួរសុខទុក្ខ និងនាំយកគ្រឿងបរិភោគ និងថវិកាមួយចំនួនជួយដល់មណ្ឌលសង្គ្រោះជនអស់សង្ឃឹមទី២ ស្រុកមង្គលបូរី

 

(បន្ទាយមានជ័យ) ក្រុមយុវជនសម្ព័ន្ធស្រលាញ់សន្តិភាពខេត្តបន្ទាយមានជ័យដឹកនាំដោយលោក រ៉េត រ៉ន ប្រធានសម្ព័ន្ធស្រលាញ់សន្តិភាពខេត្តបន្ទាយមានជ័យ បានអញ្ជើញចុះសួរសុខទុក្ខ និងនាំយកគ្រឿងបរិភោគ និងថវិកាមួយចំនួនជួយដល់មណ្ឌលសង្គ្រោះជនអស់សង្ឃឹមទី២ ស្រុកមង្គលបូរី ស្ថិតភូមិឬស្សីក្រោក ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ ដែលមានកុមារស្នាក់នៅ ១១២នាក់ ក្នុងនោះមានបុគ្គលិក ១៧នាក់ ដោយមានការអញ្ជើញចូលរួមពីលោក ឆុំ ឆាន អភិបាលរងសុខអង្គលបូរី និងអាជ្ញាធរមូលដ្ឋានភូមិ ឃុំ ការចុះសួរសុខទុក្ខនេះនាថ្ងៃ០៣ សីហា ឆ្នាំ២០២៤។

លោក រ៉េត រ៉ន បានពាំនាំនូវការផ្ដាំផ្ញើរសាកសួរសុខទុក្ខពីសំណាក់ឯកឧត្តមបណ្ឌិត ប៉ាន់ខែម ប៊ុនថន ប្រធានក្រុមការងាររាជរដ្ឋាភិបាលចុះមូលដ្ឋានក្រុងប៉ោយប៉ែត និងឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ ជូនដល់ប្អូនៗដែលកំពុងតែរស់នៅក្នុងមណ្ឌលជនអស់សង្ឃឹមទី ២ ស្រុកមង្គលបូរី ដោយក្តីព្រួយបារម្ភពីសុខទុក្ខ និងជីវភាពរស់នៅរបស់ប្អូនៗគ្រប់ពេលវេលា  ហើយយ៉ាងណាមិញឯកឧត្តមក៏បានបន្តផ្តាំផ្ញើរដល់លោកនាយកគ្រប់គ្រងមណ្ឌល និងបុគ្គលិកនៅក្នុងមណ្ឌលទាំងអស់ត្រូវខិតខំថែរក្សាសុខភាព និងបង្កបង្កើតផល និងចូលរួមអនុវត្តគោលនយោ បាយភូមិ/ឃុំ មានសុវត្ថិភាព ដេីម្បីភាពសុខដុមរមនា របស់យើងទាំងអស់គ្នា។

លោក រ៉េត រ៉ន បានបញ្ជាក់ថា៖ ក្នុងនាមយើងជាពលរដ្ឋខ្មែរ ត្រូវតែគាំទ្រ ប្រមុខរាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ហើយនិងសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា គាំទ្រនៅគម្រោងព្រែកជីកហ្វូណនតេជោសម្រាប់បើកការដ្ឋានធ្វើព្រែកជីកនិងគាំទ្រូយ៉ាងពេញទំហឹងទាំងអស់គ្នា។

ជាមួយគ្នានេះលោក រ៉េត រ៉ន និងក្រុមការងារ បានថ្លែងអំណរគុណយ៉ាងជ្រាលជ្រៅបំផុតចំពោះរាល់ការគាំទ្រ និងឧតម្ថម្ភជាសម្ភារៈ និងថវិការបស់សប្បុរសជន និងបងប្អូនមិត្តភ័ក្រ ដល់ក្រុមការងារយុវជនសម្ព័ន្ធស្រលាញ់សន្តិភាពខេត្តបន្ទាយមានជ័យ ក្នុងកិច្ចការងារបម្រើសង្គម និងមូលដ្ឋានជាបន្តបន្ទាប់។

ក្នុងឱកាសនោះលោក រ៉េត រ៉ន ប្រធានសម្ព័ន្ធស្រលាញ់សន្តិភាពខេត្តបន្ទាយមានជ័យ ក៏ដូចជាក្រុមការងារ សម្រាប់អំណោយរួមមានដូចជា អង្ករ ៥០ការ៉ុងតូច ថ្មើរហ្នឹង១០០០គីឡូក្រាម ត្រីខ ៥ កេះធំ ទឹកស៊ីអ៊ីវ ៥ កេះធំ មីពីរកេះធំ និងថវិកា ១ លានរៀលផងដែរ និងបានធ្វើការឧបត្ថម្ភជូនទៅដល់បុគ្គលិកនៅមណ្ឌលសង្គ្រោះជនអស់សង្ឃឹមទី ២ ស្រុកមង្គលបូរី ចំនួន១៣នាក់ ក្នុងម្នាក់ៗទទួលបានជាថវិកា ៥ម៉ឺនរៀលផងដែរ៕