លោកអ៉ឹមកុសល អ្នកនាំពាក្យរបស់ស្នងការនគរបាលខេត្តបាត់ដំបង ឆ្លើយបំភ្លឺមកកាន់អង្គភាពសារព័ត៌មានយើង ដូចខ្វះរសជាតិ ក្នុងនាមជាមន្ត្រី វគ្គ២

បើយោងតាមបទសម្ភាសន៍លោកអ៉ឹមកុសល  ស្នងការរងនគរបាលខេត្តបាត់ដំបងនិងជាអ្នកនាំពាក្យរបស់ស្នងការដ្ឋានបានបញ្ជាក់ប្រាប់អ្នកសារព័ត៌មានយើងថា៖ក្នុងករណីដែលអង្គភាពអ្នកសារព័ត៌មានយើងបានផ្សព្វផ្សាយទាក់ទិនទៅនឹងម៉ូតូគេចពន្ធនៅស្រុកសំពៅលូន លោកកំពុងតែចុះស្រាវជ្រាវ ថារាល់ការផ្សព្វផ្សាយរបស់អង្គភាពសារព័ត៌មានយើងប្រមាញ់បានតើពិតប្រាកដដែរឬទេ  នេះបើយោងតាមសម្ដីរបស់លោកអ៉ឹមកុសលបានបញ្ជាក់នៅថ្ងៃទី 1 ខែធ្នូឆ្នាំ 2023..........

សេចក្តីរាយការណ៍របស់អង្គភាពអ្នកសារព័ត៌មានយើងជូនចំពោះលោកស្នងការនគរបាលខេត្តបាត់ដំបងគឺបានបញ្ជាក់យ៉ាងច្បាស់ហើយៗបើសិនជាព័ត៌មាននោះមិនពិតអង្គភាពអ្នកសារព័ត៌មានយើងមិនផ្សព្វផ្សាយនាំតែខាតពេលវេលានោះទេ ណាមួយខ្លាចថោកដល់អង្គភាពដែលបានផ្សព្វផ្សាយ។

ក្នុងនាមជាមន្ត្រីដែលបម្រើការងារជូនប្រជាពលរដ្ឋអង្គភាពអ្នកសារព័ត៌មានយើងប្រមាញ់រូបភាពច្បាស់ៗជូន និងបញ្ជាក់ទីតាំងភូមិសាស្ត្រប៉ុណ្ណឹងហើយបែរជាមន្ត្រីប្រចាំតំបន់ ឆ្លើយយ៉ាងដូច្នេះពិតជាបញ្ជាក់យ៉ាងច្បាស់ថា មន្ត្រីនៃស្នងការដ្ឋាននគរបាលខេត្តបាត់ដំបងមួយចំនួនតូច  អសមត្ថភាពក្នុងការគ្រប់គ្រងមូលដ្ឋានរបស់ខ្លួន សូម្បីតែម៉ូតូគេចពន្ធដែលតម្រាបគ្នានៅលើដីបង្អួតរៀងយ៉ាងសង្ហានៅតែមិនដឹងតើសាកសមជាមន្ត្រីបម្រើការងារជូនប្រជាពលរដ្ឋដែរឬទេ?

ស្រុកសំពៅលូន៖ រូបភាពម៉ូតូ (ភាគច្រើន ជាយីហោ ហង់ដា ដែលជាកម្មសិទ្ធិបញ្ញា ផ្តាច់មុខក្នុងប្រទេសកម្ពុជា របស់ក្រុមហ៊ុន NCX ) រត់ពន្ធឆ្លងដែន និងទីតាំងស្តុកម៉ូតូអត់ពន្ធនៅភូមិសាស្ត្រនាទឹកដីស្រុកសំពៅលូន ខេត្តបាត់ដំបង សម្រាប់ទុកចែកចាយបន្តទៅរាជធានីភ្នំពេញ និងតាមបណ្តាខេត្តផ្សេងទៀត ជាច្រើន យ៉ាងសន្ធឹកសន្ធាប់ម៉ូតូរត់ពន្ធទាំងអស់នោះគឺបាននាំចូលមកតាមច្រករបៀងផ្សេងៗ នៃក្រវ៉ាត់ព្រំប្រទល់ថៃ 

តើលោកឧត្តមសេនីយ៍ទោ .សាត គឹមសាន.ស្នងការនគរបាលខេត្តបាត់ដំបងយល់យ៉ាងណាវិញចំពោះមន្ត្រីក្រោមឱវាទកំពុងតែល្មើសបទបញ្ជា 006 របស់អគ្គស្នងការនគរបាលជាតិ ដែលមិនបានបំពេញកាតព្វកិច្ចក្នុងនាមជាមន្ត្រីបម្រើប្រជាពលរដ្ឋ ធ្វើការឆក់ល្វែង  នេះគ្រាន់តែជាការរត់ការរត់ពន្ធម៉ូតូខុសច្បាប់ ដែលតម្រាបជួរគ្នាឡើងឡានយ៉ាងអាណាធិបតេយ្យនៅតែមិនដឹង ប្រសិនបើនៅតំបន់នោះរត់ពន្ធបទល្មើសផ្សេងៗ មានដូចជារត់ពន្ធជួញដូរអាវុធខុសច្បាប់រត់ពន្ធគ្រឿងញៀនរត់ពន្ធជួញដូរមនុស្សតើលោកស្នងការយល់យ៉ាងណាវិញ?

របាយការណ៍ច្បាស់ៗប៉ុណ្ណឹងហើយនៅតែស្រាវជ្រាវរកមិនឃើញ ឬរង់ចាំ ឯកឧត្តមអភិសន្តិបណ្ឌិត សសុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃបានដាក់បញ្ជាមកទើបចាត់ប្រធានការមែនឬ?

អង្គភាពអ្នកសារព័ត៌មានយើង ស្នើសុំដល់ឯកឧត្តមអភិសន្តិបណ្ឌិត សសុខាឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃសូមមេត្តាចាត់មន្ត្រីជំនាញ ក្នុងការចុះស៊ើបអង្កេតរឿងនេះដោយក្តីអនុគ្រោះ។  

អង្គភាពអ្នកសារព័ត៌មានយើងគ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនានិងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ។