បុរសម្នាក់ជិះម៉ូតូធ្លាក់ចូលប្រឡាយទឹកគ្មានអ្នកណាដឹង នឹងជួយសង្រ្គោះបណ្តាលឲ្យស្លាប់ ឃុំថ្មពួក ស្រុកថ្មពួក

 

(បន្ទាយមានជ័យ) មានករណីគ្រោះថ្នាក់ចរាចរណ៍បង្កដោយខ្លួនឯងបុរសម្នាក់ជិះម៉ូតូធ្លាក់ចូលប្រឡាយទឹកគ្មានអ្នកណាដឹងនឹងជួយសង្រ្គោះបណ្តាលឲ្យស្លាប់ហេតុការណ៍បង្កឲ្យមានការភ្ញាក់ផ្អើលនៅវេលាម៉ោង៧និង៣០នាទីព្រឹកថ្ងៃទី០៣ ខែធ្នូ ឆ្នាំ២០២៣ លើផ្លូវក្រវ៉ាត់ភូមិអន្លង់ត្រាច ខាងជើងផ្លូវទៅភ្នំព្រះចម្ងាយប្រហែល២០០ម៉ែត្រ ស្ថិតនៅភូមិអន្លង់ត្រាច ឃុំថ្មពួក ស្រុកថ្មពួក ខេត្តបន្ទាយមានជ័យ។

នគរបាលប៉ុស្តិ៍រដ្ឋបាលឃុំថ្មពួកបានឲ្យដឹងថា៖នៅថ្ងៃទី ៣ ខែ ធ្នូ ឆ្នាំ ២០២៣ វេលាម៉ោង៧និង៣០នាទីព្រឹកមានប្រជាពលរដ្ឋឈ្មោះតិក តូវ ភេទប្រុស អាយុ៥១ឆ្នាំរស់នៅភូមិអន្លង់ត្រាច ឃុំថ្មពួក បានរាយការណ៍ថា: ពេលគាត់ជិះម៉ូតូតាមផ្លូវក្រវ៉ាត់ភូមិអន្លង់ត្រាច ខាងជើងផ្លូវទៅភ្នំព្រះចម្ងាយប្រហែល២០០ម៉ែត្រ បានប្រទះឃើញម៉ូតូ និងសពមនុស្សបានស្លាប់នៅក្នុងប្រឡាយទឹក។

ក្រោយពីទទួលបានព័ត៌មាននេះកម្លាំងនគរបាលបានចុះទៅដល់ន្លែងកើតហេតុទើបស្គាល់ថាជនរងគ្រោះឈ្មោះទូច តងភេទប្រុស អាយុ៤៤ ឆ្នាំរស់នៅភូមិអន្លង់ត្រាច ឃុំថ្មពួក ស្រុកថ្មពួក ខេត្តបន្ទាយមានជ័យ ជិះម៉ូតូមួយគ្រឿងម៉ាក់និចពណ៌ទឹកប្រាក់ពាក់ស្លាកលេខ កំពង់ឆ្នាំង 1H .6690។

នគរបាលមូលដ្ឋានបានបញ្ជាក់ថា៖តាមការបំភ្លឺពីឈ្មោះភឿង បឿត អាយុ ៥៦ ឆ្នាំត្រូវជាប្រពន្ធសពបានរៀបរាប់ថា មុនពេលកើតហេតុប្ដីគាត់បានផឹកស្រាស្រវឹង បន្ទាប់មកបានជិះម៉ូតូចេញពីផ្ទះទៅយកកូននៅភូមិស្វាយ ក្រោយមកក៏លឺដំណឹងអកុសលថាប្តីគាត់គ្រោះថ្នាក់ចរាចរណ៍ខ្លួនឯងដោយជិះម៉ូតូធ្លាក់ទឹកប្រឡាយស្លាប់។

នគរបាលបានបញ្ជាក់ទៀតថា៖ជនរងគ្រោះពេលជួបគ្រោះធ្លាក់ចូលទឹកប្រឡាយគ្មានអ្នកណាបានដឹងនឹងជួយសង្រ្គោះពេលគ្រោះថ្នាក់នោះម៉ូតូបានធ្លាក់សង្កត់ពីលើបណ្តាលឲ្យស្លាប់ ។ សពជនរងគ្រោះបានប្រគល់ជូនក្រុមគ្រួសារចាត់ចែងធ្វើបុណ្យតាមប្រពៃណី បន្ទាប់ក្រុមការងារត្រួតពិនិត្យរួច៕